Geguritan

SMS

Thank U, May God Bles U

mangkono surasane SMS-mu

SMS tembaru dhek wengi

wengine dina kapisan

ing warsa kebak pitakon

pitakonku marang panjenengan

perahu iki mili nyang ngendi

kira tengen ngarep mburi

jurang wadon jurang lanang

Peace, Love and Harmony on earth + on heart

mangkono unine SMS-ku mangsuli

SMS tembaru kebak pandonga

ing kasunyatan kang kebak ireng

putih jumpalitan

Jakarta, 2003