METROPOLITAN
Mendhung panguripan metropolitan
angsaya ireng leng-ulengan
Ing koti watu wong-wong
rebut dhucung get-jejogetan
lelomban sesaji pundhi
Nanging Aku ora bisa melu
atiku ora bisa jumangkah
ora bisa kaya semut-semut kae
ndhilati gula panguwasa
Bisaku mung sedhakep
ngekep alip putih ing dhadha
sanguku saka desa
Ya ben, Aku kepencil sangisore langit-Mu
rila urip mung ngombe tetese bun puteh.
Jakarta, 1980-1991
Tidak ada komentar:
Posting Komentar